په نورستان کي 12 تنه کارګر په بمبارکي وژل سوي.

د سړک جوړوني ددې ساختماني شرکت مشر ساجدنورالله جلالي ويلي دي، چي دغه کارګر په يوه خېمه کي ساختماني شرکت ته نژدې بيده وه، چي بمبار ورباندي سوی دی. نوموړي د څولسو کسانو د وژلو خبر ورکړی دی، خو د نورستان والي تميم نورستاني ويلي دي، چي په دې پيښه کي 12 تنه وژل سوي دي.

د والي په وينا، چي امريکايي ايتلافي ځواکونوته غلط استخباراتي معلومات ورکړل سوي وه، او ځواکونو په دې خېمه کي پر پرتو خلکو باندي د طالبانو ګمان کړی و.

په بګرام کي د ايتلافي ځواکونو يوه وياند ويلي چي دوی به ددې پيښي علت وڅېړي.