کلنټن: د حقاني شبکي سره مو خبرې کړې وي
۱۳۹۰ مهر ۳۰, شنبه
د امریکا د بهرنیو چارو وزیرې، هیلري کلنټن، منلې چې امریکایې چارواکو د حقاني له ډلي سره لیدلي ترڅو د سولې په بهیر کې د هغوې لیوالتیا معلومه کړي.
هغه په داسې وخت کې د حقانې سره لیدل مني چې امریکا پر پاکستان فشار روړی ترڅو د دغې شبکي د ځپلو لپاره په شمالي وزیرستان کې پوځي عملیات په لاره واچوي.
کلنتن لومړنۍ امریکایي چارواکې ده چې په ښکاره توګه د دغې خبرې پخلی کوي. د امریکا او حقاني شبکي د لیدني په اړه راپور د روان کال د اګست په میاشتی کې د «اسوشیتت پریس» خبرې اژانس لخوا خپور شوی وو.
د کلنتن په حواله حقاني سره غونډه ابتدایې وه چې د پاکستان د استخباراتي سازمان لخوا برابره شوې وه ترڅو دا خبره روښانه شي چې ایا د حقاني شبکه د سولې له بهیره سره لیوالتیا لري او که نه.
کلنټن چې د پاکستان د یوه تلویزیون لخوا په جوړ شوي کردي میز کې یې خبرې کولي ویلي دي چې پاکستان د دغې غونډې په جوړولو کې مرسته کړي وه:
«په حقیقت کې د پاکستان دولتي چارواکو د دغې غونډې په جوړولو کې مرسته کړې.»
د کلنټن په حواله متحده ایالاتو غوښتل چې د پاکستان او افغانستان سره په ګده د رښتنې خبرو اترو یوه سلسله رامنځ ته کړي.
هغې د حقاني د ډلې سره د خبرو اترو په اړه نور جزییات ور نه کړل خو ویویل چې یوازې هغه ډلې کولاې شې چې د سولې له بهیر سره یوځای شې چې د دغه بهیر شرطونه ومني.
دا په داسې حال کې ده چې یوه امریکایې چارواکې ویلې دغه غونډه د حقاني ډلې لخوا د بریدونو د لړۍ د په لاره اچولو څخه مخکې تر سره شوې وي.
د فرانسې خبرې آژانس/ سید ریاض
کتونکی: مسعود جهش