افغانستان

یاماموچي: د فساد پر ضد مبارزه کې پرمختګ شوی خو لا ډیر کار ته اړتیا شته

په افغانستان کې د ملګرو ملتونو ځانګړي استازې، له دویچه ویله سره په مرکه کې وویل چې افغان حکومت له فساد سره د مبارزې په برخه کې پرمختګ کړی دی خو لا هم ډیر کار ته اړتیا شته.

 Eklil Hakimi, Minister of Finance of Afghanistan and Tadamichi Yamamot (Afghanistan Ministry of Finance)

افغان حکومت، نړیوالې ټولنې او د افغانستان د مدني ټولنو استازو او خصوصي سکتور د پنجشنبې په ورځ د «لوړپوړو چاواکو په غونډه» کې ګډون وکړ او د افغانستان د اصلاحاتو د اجنډا په پرمختګ او لاسته راوړنو یې بحثونه وکړل. د غونډې ګډونوالو یو ځل بیا د افغانستان له اوږدمهاله پرمختګ سره خپل ملاتړ او ژمنه اعلان کړه.

د غونډې تر پای ته رسیدو وروسته، د افغانستان د مالیې وزیر اکلیل حکمیی او په افغانستان کې د ملګرو ملتونو د سرمنشي ځانګړي استازي تدامیچي یاماموتو، چې په ګډه یې د غونډې مشري کوله یوه خبري کنفرانس ته خبرې وکړي.

اکلیل حکیمي دغه خبري کنفرانس ته وویل: «په بروکسل کنفرانس کې د افغان حکومت او نړېوالې ټولنې دوه اړخیزې ژمنې، په غور سره وڅېړل شوې چې موږ دغه ازموینه په بریالیتوب سره تر سره کړه.»

هغه زیاته کړه چې د افغان حکومت له خوا وړاندې شویو معلوماتو په ډیرو برخو کې د نړیوالو مرسته کوونکو قناعت ترلاسه کړ.

د غونډې په لومړۍ ورځ افغان ولسمشر محمد اشرف غني، په افغانستان کې د فساد پر ضد مبارزې باندې ټینکار وکړ.

د پرمختیایي مرستو په برخه کې د نړیوالې ټولنې یوه لویه اندیښنه په افغانستان کې د فساد لوړه کچه ده. دا په بروکسل کې له افغانستان سره د مرستو د وروستي نړیوال کنفرانس د بحث له مرکزي موضوعګانو څخه یوه وه چیرې چې ولسمشر غني ژمنه وکړه، چې له فساد سره به مبارزه کوي او نړیوالې ټولنې ته یې د حساب ورکولو ژمنه وکړه.

په افغانستان کې د ملګرو ملتونو ځانګړي استازي، تدامیچي یاماموتو، له دویچه ویله سره په یوې ځانګړې مرکه کې روښانه کړه چې که څه هم له فساد سره د مبارزې په برخه کې لا ډیر کار ته اړتیا شته، خو افغان حکومت په وروستیو کلونو کې لاس ته راوړنې لرلي دي.

هغه وویل: «موږ [له فساد سره د مبارزې] له هڅو او د هغو لاس ته راړنو راضی یو چې د دغو هڅو له مخې ترلاسه کیدای شي. خو آیا موږ تر دې زیات کار هم کولای شوای، البته چې د دې پوښتنې ځواب هو دی، خو ایا موږ تر دې ښه کار کولای شوای، شاید نه.»

په داسې حال کې چې د ملګرو ملتونو سرمنشي په افغانستان کې له اداري فساد سره د مبارزې پر وړاندې په ننګونو باندې ټینګار کاوه، هغه روښانه کړه چې له دې پدیدې سره د مبارزې په برخه کې د اوسني افغان حکومت هلې ځلې، ډیرې هڅوونکې دي.

هغه وویل: «موږ دا هر څه ډیر هڅوونکي بولو. ځکه زه فکر کوم چې د لومړي ځل له پاره له اداري فساد سره په سمه توګه برخورد کیږي، او پرمختګ د رامنځ ته کیدو په حال کې دی.»

د لوړپوړو چارواکو په غونډه کې له ۴۰ څخه د ډېرو هیوادونو، نړیوالو ملاتړ کوونکو بنسټونو، د ملګرو ملتونو غیر دولتي بنسټونو، د دولتي خپلواکو بنسټونو، د مدني ټولنو او د افغانستان خصوصي سکتور استازو او د ملي شورا غړو ګډون کړی وو.

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو