Кандаліза Райс: “Абвяшчэнне Лукашэнкі прэзідэнтам пакідае Беларусь у баку ад Еўропы”

Дзяржаўны сакратар ЗША Кандаліза Райс у часе выступу ў Сенаце закранула тэму выбараў прэзідэнта ў Беларусі і іх вынікаў. Паводле Райс, абвяшчэнне Аляксандра Лукашэнкі прэзідэнтам пакідае краіну ў баку ад Еўропы. Разам з тым амерыканскі дзяржсакратар адзначыла, што апазіцыя ў Беларусі істотна ўзмацнела. «Урад Лукашэнкі перайшоў усе межы ў параўнанні з якім-небудзь іншым урадам у Еўропе», - заявіла Кандаліза Райс на паседжанні падкамісіі сенату па фінансаванні за мяжою.