Лідэр беларускіх камуністаў выйшаў на волю
11 мая 2006 г.Реклама
Сёння лідэр беларускіх камуністаў Сяргей Калякін быў вызвалены са спецпрымальніка-размеркавальніка на вуліцы Акрэсціна ў Мінску, дзе ён адсядзеў 14 сутак адміністратыўнага арышту за арганізацыю акцыі “Чарнобыльскі шлях – 2006”. Паплечнікі і журналісты чакалі вызвалення Калякіна а 10.30. Аднак, як высветлілася, яшчэ а 9-й раніцы палітыка на службовай міліцэйскай машыне адвезлі дахаты. Тым не менш, Калякін па просьбе журналістаў вярнуўся на Акрэсціна, дзе правёў прэс-канферэнцыю. Нагадайма, што 11 траўня позна ўвечары мусіць выйсці на свабоду старшыня Партыі БНФ Вінцук Вячорка, а 12 траўня ўранку акрэсцінскія муры пакінуць апазіцыйныя лідэры Аляксандр Мілінкевіч, Аляксандр Бухвостаў і Зміцер Дашкевіч.