Расійскі кінарэжысёр Станіслаў Гаварухін абараняе прэзідэнта Беларусі

Вядомы кінарэжысёр, дэпутат расійскай Дзяржаўнай Думы Станіслаў Гаварухін сёння на пасяджэнні Дзярждумы ўзяў пад сваю абарону прэзідэнта Беларусі. У прыватнасці, ён адзначыў (цытата), што “апошнімі днямі ў СМІ разгорнута беспрэцэдэнтная кампанія па дыскрэдытацыі лідэра брацкай Беларусі Аляксандра Лукашэнкі. Ўсё гэта хлусня і паклёп”. Пры гэтым “антылукашэнкаўскую кампанію ў СМІ дэпутат патлумачыў тым, што Расію хочуць “пазбавіць апошняга паплечніка на тэрыторыі Заходняй Еўропы”. Журналісты ў гэтай сувязі пажартавалі, што Станіслаў Гаварухін, відаць, аднолькава інфармаваны як аб палітычнай сітуацыі ў Беларусі, так і аб яе геаграфічным становішчы. Насамрэч, згодна агульнапрынятай геаграфічнай класіфікацыі, Беларусь з’яўляецца часткай Усходняй, а не Заходняй Еўропы.