У Расіі створаны грамадскі камітэт на падтрымку дэмакратыі ў Беларусі
17 февраля 2006 г.Реклама
У Маскве абвешчана пра стварэнне “Грамадскага камітэту расійскай інтэлігенцыі на падтрымку дэмакратычных выбараў у Беларусі”. Ініцыятыва сталася вынікам сустрэчы ў Маскве рэпрэзентантаў расійскай грамадскасці з лідэрам дэмакратычных сілаў Беларусі Аляксандрам Мілінкевічам. Ініцыятарка стварэння Камітэта Ала Гербер, кіраўнік фонду “Халакост”, мае намер накіраваць заяву ў Цэнтравыбаркам Беларусі з просьбай дазволіць удзел як назіральнікам не толькі афіцыйнай расійскай дэлегацыі на чале з Уладзімірам Рушайлам, але таксама і прадстаўнікам грамадскасці Расіі. Прадстаўнікі расійскай інтэлігенцыі цікавіліся цяперашняй прэзідэнцкай кампаніяй, настроямі людзей, а таксама магчымасцямі развіцця расійска-беларускіх стасункаў пасля 19 сакавіка.