Інстытут Роберта Шумана распачынае серыю курсаў “Маладыя лідэры”
7 июля 2006 г.Реклама
Інстытут Роберта Шумана распачынае серыю курсаў “Маладыя лідэры”, якія пройдуць у верасні 2006 году ў Будапешце. Курсы ладзяцца для моладзёнаў, якія жадаюць стаць лідэрамі ва Усходняй і Паўднёва-Усходняй Еўропе. Мэта праекту – забяспечыць тэарэтычным і практычным веданнем новых палітычных, эканамічных, сацыяльных, культурных і грамадскіх патрабаванняў і распрацовак у Еўропе. Арганізатары запрашаюць да ўдзелу моладзь ва ўзросце ад 22 да 30 гадоў, якая звязаная з палітычнай і грамадскай дзейнасцю. Працоўная мова курсаў – ангельская. Апошні тэрмін падачы аплікацыяў – 7 жніўня 2006 году. Падрабязную інфармацыю можна знайсці па адрасе: www.rschuman.hu