Nobeli 2013 në ekonomi për tre amerikanë

Tre studiuesit nga SHBA-ja, Lars Peter Hansen, Eugene Fama dhe Robert Shiller vlerësohen sivjet si nobelistë në fushën e ekonomisë. Të tre profesorët vlerësohen për analizën empirike të tyre mbi kurset e aksioneve në bursë, njoftoi Akademia mbretërore e Shkencave në Stokholm.

Çmimi për shkencëtarët në fushën e ekonomisë nuk bën pjesë në grupin e çmimeve klasikë Nobel, sepse kjo kategori nuk është e përfshirë në testamentin e themeluesit të fondacionit Alfred Nobel. Çmimi Nobel në ekonomi jepet nga Reichsbank e Stokholimit "në përkujtim" të Alfred Nobel që nga viti 1969.

Që nga ajo kohë Akademia mbretërore e Shkencave në Suedi ka vlerësuar kryesisht ekonomistë nga SHBA-ja më këtë çmim. Ndër të vlerësuesit me nobel në ekonomi deri më sot ka qenë vetëm një grua, studiueses nga SHBA-ja Elinor Ostrom iu akordua çmimi i vitit 2009. Reinhard Selten, është deri tani i vetmi gjerman i nderuar me nobel në ekonomi në vitin 1994.

Me dhëniën e Çmimit Nobel në ekonomi mbyllet shpallja e nobelistëve të vitit, ndërsa ceremonia e dorëzimit të medaljeve dhe të çmimeve organizohet tradicionalisht më 10 dhjetor ditën e vdekjes së Alfred Nobelit(1833-1896).