E ardhmja e NATO-s dhe konferenca e sigurisë në Mynih
8 Shkurt 2008
Gazeta "Münchner Merkur" komenton: "Kush mendon, se pas shpërbërjes së Traktatit të Varshavës NATO-ja është vetëm një relik i së shkuarës, duhet t´i verë gishtin kokës dhe të mendojë, se kush do t´i tregojë kufirin Rusisë apo kush do të shuajë vatrat e zjarrit në Ballkan."
"Main Post" shtron pyetjen: "Në thelb prej kohësh shtrohet një çështje thelbësore: Çfarë roli do dhe mund të luajnë në të ardhmen SHBA që vazhdojnë të jenë promotorri i NATO-s?"
Ndërsa për komentatorin e "Nürnberger Nachrichten" sa i përket Afganistanit NATO-ja ndodhet në qorrsokak: "Pa një nismë të re dhe gjithëpërfshirëse politike, që të mbulojë të gjithë rajonin, aleanca nuk mund të dalë prej këtij qorrsokaku. Me Bushin kjo nuk arrihet. Por pasrdhësja ose pasardhësi i tij duhet që bashkë me aleatët evropianë të japin një përgjigje. Afganistani nuk mund të stabilizohet pa pjesëmarrjen e vendeve fqinjë, duke përfshirë edhe Iranin, si dhe pa marrë në konsideratë strukturat e fiseve që janë zhvilluar brenda vendit. Shumë kohë nuk mbetet. Nëse talibanët infiltrojnë në Pakistan dhe ky vend shkatërrohet, atëherë këtë skaj të botës e kërcënon një kaos, që e tejkalon imagjinatën tonë."