James Dean - idhull i rebelimit rinor, një homazh në 60 vjetorin e vdekjes

Të gjitha këto tipare kishte James Dean dhe kështu ka mbetur ai në kujtesë. Në krijimin e këtij imazhi kanë influencuar një sërë fotografishë – si kjo, pozë e marrë gjatë filmit të tij të fundit "Gjigantët".

Aktori u lind më 8 shkurt 1931, dhe u rrit në shtetin federal Indiana në SHBA. Nëna e tij vdiq nga kanceri në moshën 29, kur James ishte vetëm nëntë vjeç. Ai u rrit me gjyshen dhe tezen e tij.

James Dean shfaqi qysh herët interes për aktrimin, artin skenik dhe baletin. Në zonën rurale të provincës amerikane, ku jetonte familja e tij, ai mori pjesë në grupet teatrore të shkollës, mësoi vallëzim dhe muzikë si dhe artin e qeramikës. Në këtë fotografi është shtëpia e tij në Fairmount, Indiana, ku ka kaluar fëmijërinë dhe rininë e tij.

James Dean filloi aktrimin në moshë fare të re, duke marrë pjesë në grupe private teatrore. Atij gjithashtu iu besuan role të vogla në skenën e teatrit dhe në produksionet televizive. Debutimin e tij para kamerave të kinematografisë ai e pati në vitin 1951 në filmin e regjisorit Sam Fuller "Bajonetat fikse!”.

Roli i tij i parë i madh në film i solli atij famën. Regjisori Elia Kazan ia besoi atij rolin krysor në dramën e tij "Në lindje të Edenit" në vitin 1955. Pas kësaj krijuesit e filmit dhe bosët e studiove filluan ta profilizojnë James Dean si një figurë kult.

Filmi i tij i dytë i madh ia forcoi statusin James Dean si 'cool'. Në filmin e konsideruar sot si klasik të Nicholas Ray "Rebel without a Cause", Dean luajti rolin e jetës së tij: i riu i panënshtruar amerikan.

Në filmin e George Steven "Gjigandi" shfaqur në vitin 1956 James Dean luajti përkrah Elisabeth Taylor, rolin e tij të fundit. Ai ndërroi jetë në një aksident me makinë në vitin 1955 përpara premierës së filmit. Pas aksidentit tragjik aktori u kthye në mit.

James Dean gjithmonë ishte dhënë pas makinave të shpejta. Me paratë e para që fitoi nga rolet e tij ai bleu makina të shpejta dhe merrte pjesë me to nëpër gara.

Më 30 shtator 1955 James Dean përplaset me makinën e tij në një kthesë në Kaliforni. Në fillim u mendua se shpejtësia kishte qenë shkaku i aksidentit. Por më vonë rezultoi se aktori nuk kishte pasur faj për aksidentin. Imazhet e makinës së tij të shkatërruar i tronditën thellë dashamirësit e tij.

Menjëherë pas vdekjes së James Dean u krijua kulti për aktorin e vdekur në moshë të re. Për asnjë tjetër aktor të Hollywood-it nuk janë krijuar aq shumë legjenda sa për James Dean.