Kandidatë për nobelistë të paqes pas Snowdenit, Ashton, Thaçi dhe Daçiç
31 Janar 2014Socialistët në Parlamentin Europian kanë propozuar që Komisionerja e Jashtme e Bashkimit Europian Catherine Ashton dhe kryeministrat e Kosovës dhe Serbisë, Hashim Thaçi dhe Ivica Daçiç, të marrin Çmimin Nobel për Paqe për vitin2013. „Të tre, në prill të vitit 2013 arritën një marrveshje, që është një hap i rëndësishëm për zgjidhjen e konfliktit të Kososvës. Shumë vetë mendonin se kjo nuk ishte e mundur" tha për gazetën "Die Welt" shefi i socialistëve në Parlamentin Europian Hannes Swoboda, i cili ka firmosur letrën e dërguar Komitetit të Çmimit Nobel në Oslo.
„Ne kemi propozuar Ashton, Daçiç dhe Thaçin për çmimin Nobel për Paqe, jo vetëm për kontributin e tyrë në normalizimin e marrdhënieve, por edhe të motivuar në arritjen e një paqe të qëndrueshme mes Kosovës dhe Serbisë.“ Kjo do të ishte e rëndësishme edhe për stabilitetin në rajon dhe njohjen e popullsisë shqiptare.
Një emër tjetër kandidat për Çmimin Nobel të Paqes është edhe Edward Snowden. I riu amerikan ka tërhequr vëmendjen botërore me dëshmitë e tij rreth programeve të përgjimit të Agjencisë Kombëtare të Sigurimit të SHBA-së, NSA. Ai u propozua nga dy deputetë norvegjezë.
Propozimet për kandidatët për Çmimin Nobel mund të bëhen deri më datën 1 shkurt. Çmimi Nobel i Paqes shpallet më 10 dhjetor të këtij viti, në kryeqytetin e Norvegjisë, Oslo.