Konferencë ndërkombëtare për luftën kundër dopingut

Në kryeqytetin spanjoll Madrid ka nisur sot konferenca ndërkombëtare për masat kundër dopingut. Në të marrin pjesë 1.500 përfaqësues të organizatave sportive dhe qeverive. Deri ditën e shtunë ata do të diskutojnë mbi luftën efektive dhe të vendosur kundër dopingut. Pritet të miratohet edhe një kod ndërkombëtar kundër dopingut. Ai do të mundësojë sanksione më fleksibile kundër shkeljeve si dhe një rregull më të gjerë për dëshmitarët kryesorë. Komiteti Olimpik Ndërkombëtar ka shprehur ndërkohë shqetësim mbi disa prej pikave të kodit anti-doping. Në konferencë pritet të zgjidhet edhe presidenti i ri i autoritetit ndërkombëtar anti-doping.