1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Löw mbetet trajner i kombëtares gjermane

21 Korrik 2010

Nëntë ditë pas përfundimit të kampionatit botëror 50 vjeçari Joachim Löw zgjati kontratën me Federatën gjermane të Futbollit (DFB) deri në kampionatin evropian 2012.

https://p.dw.com/p/OPiT
Trajneri i kombëtares Joachim LöwFotografi: AP

Trajneri i kombëtares gjermane në futboll Joachim Löw dhe manaxheri i ekipit kombëtar Oliver Bierhoff i zgjatën kontratat e tyre me Federatën Gjermane të Futbollit (DFB) deri në 2012-ën.

Këtë e bëri të ditur DFB-ja (Federata Gjermane e Futbollit) në Frankfurt mbi Main. Sipas saj të dy do të kujdesen për skuadrën gjermane edhe gjatë Kampionatit Evropian në Poloni dhe Ukrainë në 2012-ën.

Edhe kontratat e bashkëtrajnerit Hans-Dieter Flick dhe trajnerit të portierëve Andreas Köpke u zgjatën deri më 31 korrik 2012.

Oliver Bierhoff Theo Zwanziger und Joachim Löw Flash-Galerie
Joachim Löw, presidenti i DFB-së Dr. Theo Zwanziger dhe manaxheri Oliver BierhoffFotografi: picture alliance/dpa

50-vjeçari Löw është pajtuar për zgjatjen e kontratës me Federatën Gjermane të Futbollit deri në vitin 2012, njoftojnë gazetat "Bild" dhe "Süddeutsche Zeitung".

Löw u shpreh: "Kanë kaluar shtatë ditë nga përfundimi i Kampionatit Botëror dhe gjatë fundjavës arritëm një vendim shumë të shpejtë. Unë personalisht me shtabin tim dhe natyrisht me Oliver Bierhoff-in gëzohemi shumë për këtë bashkëpunim të mëtejshëm me DFB-në dhe natyrisht edhe me ekipin."

Autor:dpa/Esat Ahmeti
Redaktoi: Angjelina Verbica