1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor

Nadal fiton Australian Open

1 Shkurt 2009

22-vjeçari nga Spanja fitoi ndaj rivalit të tij të përhershëm zviceranit Roger Federer.

https://p.dw.com/p/Gl75
Rafael Nadal gjatë ceremonisë së dorëzimit të çmimit
Rafael Nadal gjatë ceremonisë së dorëzimit të çmimitFotografi: AP

Tenisti spanjoll Rafael Nadal, që kryeson listën ndërkombëtare të tenistëve, fitoi për herë të parë në karrierën e tij turneun Australian Open të zhvilluar në Melburn.
Tenisti profesionist 22-vjeçar nga Spanja fitoi ndaj rivalit të tij të përhershëm Roger Federer në një ndeshje në nivelit të lartë.

Rafael Nadal (djathtas) dhe Roger Federer pas ndeshjes
Rafael Nadal (djathtas) dhe Roger Federer pas ndeshjesFotografi: AP

Pesë setet përfunduan me rezultatin 7:5, 3:6, 7:6 (7:3), 3:6, 6:2. Për Nadalin kjo ishte fitorja e gjashtë në një garë të këtij niveli dhe suksesi i 13-të në 19 duelet me Roger Federer. 27-vjeçari nga Zvicra, i dyti në listën ndërkombëtare humbi shansin për të siguruar fitoren e tij 14-të në një garë të këtij niveli.

Rekordin e fitoreve në garat kryesore të tenisit botëror vazhdon ta mbajë tenisti amerikan Pete Sampras. Nadal-i është i pari sportist profesionit nga Spanja që fiton turneun e Melburnit.

Të shtunën garën e femrave të Australian Open e fitoi amerikania Serena Williams. Në ndjeshjen me rusen Dinara Safina, Williams fitoi me rezultatin 6:0 dhe 6:3.