Nismë greke për Ballkanin perëndimor
21 Nëntor 2007Zëdhenësi i ministrisë së jashtme greke Jorgos Kumuçakossi, shpegoi përmbajtjen dhe qëllimin e iniciativës greke për Ballkanin Perëndimor, që në formën e 5 pikave konkrete iu paraqit Këshillit të ministrave të jashtëm të Bashkimit Evropian të hënën në Bruksel. Kumuçakos e cilësoi iniciativën si "Selaniku 2", pra si vazhdim të Deklaratës së qershorit 2003 të samitit të Bashkimit Evropian dhe vendeve të Evropës Juglindore,që u hapi përspektiven evropiane vendeve në fjalë dhe sqaroi se titulli i saj ishte "Nevoja për vendime ambicioze nga ana Bashkimit Evropian për Ballkanin Perendimor".
Vazhdim i Selanikut 1
Kumuçakos nënvizoi me forcë se iniciativa ishte produkt i një shqetësimi për rajonin në përgjithësi,i cili përballet me rrezikun që të bjerë në një "melankoli të re ballkanike",në qoftë se nuk i inspirohet një optimizëm i ri për të ardhmen e tij evropiane. "Ekziston rreziku", tha shprehimisht zëdhenësi grek, që këto vende "të humbasin besimin dhe përkushtimin në një zgjerim evropian,që duket i largët dhe i pasigurt".
Problemi i Ballkani nuk është vetëm Kosova
Pranoi si shtysë të veçantë për ndërmarrjen e iniciativës problemin pezull të Kosovës duke bërë fjalë për "moment të rëndësishëm dhe kritik", por nuk e kushtëzoi vetëm me këtë problem dhe hodhi poshtë çdo interpretim të perspektivës evropiane të Serbisë me konsesusin e saj për pavarësinë e Kosovës. "Është Serbia ajo që vlerëson të dhënat dhe merr vendimet. Nuk përmbahet ndonjë mendim i tillë për të ashtuquajturit trade off΄ " tha zëdhënësi grek, duke sqaruar njëkohësisht, se propozimi grek për "nënshkrimin imediat" të Marrëveshjes së Stabilizim-Asociimit të Serbisë me Brukselin "nuk injoron detyrimin e Beogradit për dorëzimin e krimineleve të luftës".
Jo vetëm Serbia
Së bashku me Serbinë, sipas propozimit grek, edhe Bosnjë Herxegovina, duhet të nëshkruajë "mundësisht sa më shpejt" marrëveshjen e Stabilizim-Asoçiimit, kurse dy vendeve të tjera, Shqipërisë dhe Malit të Zi, duhet tu jepet statusi i kandidatit për integrim dhjetorin e vitit tjetër dhe në një afat të mëtejshëm, në vartësi të zbatimit të kritereve, tu jepet datë konkrete e fillimit të negociatave të integrimit.
Heqja e vizave e rëndësishme
Në shërbim të fqinjësisë së mirë, si kriter i integrimit, u shërbn masa tjetër, ajo e kalimit nga statusi aktual i lehtësimit, në atë të liberalizmit dhe heqjes së vizave për qytetarët e këtyre vendeve. Tregus i jehonës pozitive të iniciativës është fakti i përfshirjes së saj nga presidenca aktuale portugeze në axhendën e samitit të dhjetorit dhe i interesimit të treguar nga presidenca e ardhshme sllovene.