170711 Syrische Opposition Rat

Këshilli përbëhet nga 25 anëtarë, kryesisht liberalë dhe islamistë, si dhe disa opozitarë të pavarur. Të rreth 380 delegatët nuk mundën të pajtohen deri tani ende nëse duhet formuar menjëherë një qeveri në hije apo nëse duhet të pritet një herë se si do të zhvillohen më tej ngjarjet pas katër muajve të rebelimit të vazhdueshëm kundër regjimit të pushtetit të Baath-it

Opozita premtoi se dallimet ideologjike nuk duhet të luajnë asnjë rol në situatën aktuale. Qëllimi më i rëndësishëm duhet të jetë për të rrëzuar regjimin e presidentit Assad. Avokati për të drejtat e njeriut Maleh el-Haitham , i cili drejtoi konferencën në Stamboll, bëri thirrje për bashkatdhetarët e tij, të mos e humbasin shansin dhe mundësinë që u ofrohet tani duke argumentuar rreth çështjeve të parëndësishme.

Në konferencë në Stamboll, ishin të përfaqësuara kryesisht figura të opozitës siriane të cilët kanë jetuar për vite në mërgim. Video-konferenca e propozuar për t'u mbajtur me opozitarët e mbledhur paralelisht në një takim në Siri nuk ndodhi. Forcat e sigurimit të shtetit e kishin vënë në shënjestër takimin e Damaskut. Siria përjetoi të premten protestat më të mëdha masive kundër sundimit të Bashar al-Assadit, në të cilat duhet të jenë vrarë deri në 40 vetë. Sipas opozitës gjatë muajve të trazirave, janë zhdukur më shumë se 2.000 vetë.

Sekretarja amerikane e Shtetit, Hillari Klinton, e quajti veprimin brutal të forcave siriane të sigurisë kundër demonstruesve paqësorë si tepër shqetësuese. Në televizionin turk ajo dënoni dhunën e cila sipas saj duhet të ndërpritet menjëherë.

"E ardhmja e Sirisë, - tha Klinton, është vetëm çështje e popullit sirian".

Me këtë ajo kundërshtoi spekulimet se Shtetet e Bashkuara të Amerikës dhe aleatët e saj mund të sillen në mënyrë të ngjashme si në rastin e Libisë dhe marrin në konsideratë veprime ushtarake kundër regjimit në pushtet. Të premten, Grupi Ndërkombëtar i Kontaktit për Libinë njohu në Stamboll Këshillin e Përkohshëm Kombëtar të rebelëve si organ zyrtar qeverisës dhe me autoritetin e qeverisë.

"SHBA janë të inkurajuara nga ajo që bën popullin sirian për veten e vet dhe jo nga ajo që Shtetet e Bashkuara apo një vend tjetër dëshiron. Ata u përpoqën për të formuar një opozitë që gjen një mënyrë - shpresojmë në bashkëpunim paqësor me qeverinë." - tha Klinton.

Sjellja e lidershipit sirian flet një gjuhë të ndryshme. Grupet e të Drejtave të njeriut vlerësojnë se javët e fundit janë arrestuar rreth 14.000 demonstrues.

Autor: Reinhard Baumgarten / P. Pani
Redaktor: Elert Ajazaj