Pakistan: të diskutueshme zgjedhjet parlamentare në janar

Pas vendosjes së gjendjes së jashtëzakonshme në Pakistan, është e diskutueshme, nëse në këtë vend do të mbahen në janar zgjedhje parlamentare, sic qe planifikuar. Zëvendësministri i informacionit, Tarik Azem tha se ndoshta duhet të përshtatet plani për zgjedhjet parlamentare. Ai shpreson që zgjedhjet të mbahen shumë shpejt, por një datë ai nuk ishte në gjendje të përmendte. Kryeministri Shaukat Aziz tha se nuk është marrë ende asnjë vendim. Presidenti Pervez Musharaf vendosi të shtunën gjendjen e jashtëzakonshme në Pakistan. Raportimi i medieve private u kufizua në mënyrë masive. Vec kësaj Musharafi shkarkoi nga posti kryegjykatësin e vendit, Iftikhar Muhamad Caudri. Gjykata e Lartë kishte marrë disa herë vendime kritike për Musharafin.