Rasti Deliç - Para dhënies së dënimit në Hagë
13 Shtator 2008Procesi kundër tij Rasim Deliçit filluar në korrik të 2007-ës. Organi i akuzës kërkon burgim 15 vjeçar për shkak të disa krimeve të luftës, ndër të cilat edhe vrasjen e viktimave serbe dhe kroate si dhe përdhunimin e tyre.
Rasim Deliç akuzohet të jetë përgjegjes për krimet e luftës të kryera nga të ashtuquajturit muxhahedinë. Njësia ushtarake "El Mujahidd" ka ushtruar, sipas akuzës, krime të tmerrshme ndaj kroatëve dhe serbëve nga viti 1993 deri më 1995-ën. Si një nga krimet më të rënda të muxhahedinëve, akuza përmend vrasjen brutale në Bosnjën qëndrore të 23 kroatëve të Bosnjës. Një pikë tjetër e akuzës është ekzekutimi i 52 ushtarëve të ushtrisë serbo-boshnjake në një kamp për të burgosur, po ashtu në Bosnjën qëndrore.
Mbrojtja e Rasim Deliçit është përpjekur ta hedhë poshtë këtë pikë të akuzës. Avokatja e tij Vasvija Vidovic është përqëndruar në dëshmimin se njësia "El Mujahidd" që ka luftuar në Bosnjë, nuk ka qenë zyrtarisht pjesë e ushtrisë boshnjako-hercegovinase. Njësia e përbërë nga snajperista të ardhur nga jashtë vendit, ka qenë ë pavarur. Nuk ka pas ekzistuar mundësia, të merreshin sanskione kundër muxhahedinëve, sepse ndër të tjera ata kanë qenë të mbrojtur nga udhëheqja politike e myslimanëve të Bosnjës, deklaron avokatja e Deliçit, Vasvija Vidoviç:
"Të gjitha dëshmitë e dëshmitarëve, përfshirë edhe ato të viktimave, tregojnë se njësia "El Mujahidd" nuk ka qenë nën urdhërat e Ushtrisë së Bosnjë Hercegovinës. Nga dokumentet që janë gjetur në Institutin Islamik në Milano ka dalë e qartë se, komanduesit e ushtrisë së Bosnjë Hercegovinës nuk mund të kishin aspak nën kontroll muxhahedinët, aq më pak gjenerali Deliç."
Në fjalën e tij, prokurori i Hagës Daryl Mundis, tha se dëshmitë e prezantuara tregojnë qartë se krimet në Bosnjën Qëndrore janë ushtruar nga muxhahedinët. Mundis thotë se është e dëshmuar edhe "El Mujahidd" ndodheshin nën urdhërat e gjeneralit Deliç. Rasim Deliç e pranoi këtë njësi në gusht të vitit 1993 në rradhët e ushtrisë boshnjake. Deliç akuzohet se nuk ka zbatuar detyrën e tij për të shmangur ushtrimin e krimeve nga një grup që ndodhen nën kontrollin efektiv të tij.
Avokatja Vasvija Vidovic kërkon lirimin e mandatarit të saj, sepse akuza nuk ka patur dëshmi solide që të bëjnë përgjegjës të akuzuarin, për krimet e kryera nga Muxhahedinët.