Bota

SHBA: A do të zëvendësohet së shpejti ministri i Jashtëm Tillerson?

Miq me siguri që nuk mund të bëhen më presidenti i SHBA-së dhe ministri i tij i Jashtëm. Raportet mes tyre janë tronditur dhe çdo ditë pritet largimi i kryediplomatit. Një gazetë ka dijeni edhe për arsyet përse.

USA Rex Tillerson, Außenminister & Donald Trump, Präsident (picture-alliance/dpa/CNP/Kevin Dietsch/Consolidated News Photos)

Gazeta "New York Times" njofton për mendimet që po peshohen në Shtëpinë e Bardhë, për ta shkarkuar ministrin e Jashtëm të padëshiruar. Kjo gazetë duke iu referuar përfaqësuesve të nivelit të lartë të qeverisë, shkruan se Rex Tillerson brenda pak javësh mund të zëvendësohet nga drejtori i CIA-s  Mike Pompeo. Shefi i ri i shërbimit sekret, sipas këtyre njoftimeve, pritet të bëhet senatori republikan Tom Cotton. Këtë plan e ka hartuar John Kelly. Është ende jo e qartë, nëse presidenti Donald Trump e ka miratuar këtë përfundimisht.

E qartë është sidoqoftë, e për këdo evidente, se Trump do ta heqë qafe sa më parë ministrin e Jashtëm. "Unë jam i vetmi, prej nga varet kjo", tha presidenti në fillim të muajit për shefin e Departamentit të Shtetit. Jam i pakënaqur, që disa në Ministrinë e Jashtme nuk e mëbshtesin politikën time të jashtme, u ankua Trump në një intervistë për kanalin më të preferuar të tij Fox News, "sepse tek e fundit unë e përcaktoj politikën". I pyetur nëse ai do ta lë në post Tillersonin deri në fund të mandatit, ai u përgjigj: "Do ta shohim. Nuk e di."

Tensionet mes Trumpit dhe ish-menaxherit të naftës Tillerson kohët e fundit janë bërë evidente. Të dy politikanët kanë qendrime të ndryshme lidhur me një sërë temash të politikës së jashtme. Ministri i Jashtëm brenda qeverisë po kthehet dita ditës në një lloj lojtari kundërshtar të presidentit. Tillerson në tetor në prani të të tjerëve e ka quajtur Trumpin "kokëtul". Përgënjeshtrimi i kësaj u bë me gjysmëzëri. Trump si rrjedhojë e sfidoi Tillersonin për një test inteligjence.

Sidoqoftë Tillerson ia doli që SHBA-ja të mos tërhiqet nga marrëveshja atomike me Iranin. Bashkëpunëtorët e tij thonë, që ministri do patjetër ta mbyllë këtë vit kalendarik në detyrë, për të ruajtur dinjitetitn e tij. Nëse ai shkarkohet, do të ishte i pari ministër i Jashtëm në historinë 120 vjeçare të SHBA-së që shkarkohet kaq shpejt nga posti.

 

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Bahasa Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو