Avgo puchipa kobor si ano shkole romane chave

Tharo 24 klase, ko 11 si sal romane chave. Tharo 480 sikavne, 80 odsto si Roma, vi sa gijalte, ko than the ovel jekipa, kerelpe segregacija upro romane chave, kaske majbaro problemi si e bidjanipa e srbikane chibjako. Tharo 24 klase, ko 11 si sal chave taro romano minioriteto. Okola klase si ahmimo. Avgo dromgava bersh ano avgo klaso naj hramome ni jekh srbikano chavo. E Goran Filipovic direktori gale skolako, savi si sal shel metrora dur taro romano tan ano Leskovacko kvarto Podvorice, bango si e kanuni ano skola, pal vi e Srpsko familije. Kana avilo dji goleste e familije te roden save skolende kamen the hramosaren ple chaven, tharo gova momento avilo e ulavipa e srpskone chavengo, vash e stereotipikano gndipa e srpskone familijengo upro romano minioriteto avilo dji gava. E dada ni puchen save sikavneste ka ovel mlo chavo ja puchen kobor romane chave ka oven hramome ano avgo klaso.penel e direktori skolako.

Izolacija e romane chavengo

Avel dji goleste e srpskone chave save djivdin pashe dji gaja skola the hramosarenpe ko aver skole save si lengre kerendar dur dji e 500 vi 100 vi pobutere metria.Rezultato taro gava si izolacija e romane chavengo, kastar but taro gala chave ni djanen e srpsko cib. Vi olenge vi e sikavnege den azutipa e romane asistetora, so sa jekh chi shaj resen but dumo the den, vi goleske e sikavne si musaj the sikljoven nesave romane vorbe.

"Sikljiljum the penav : kundre, gova si cipela, besh tele, gova si sedi dole, avakari, dodji ovamo. Shaj haljovav, pal chi shaj motovav e romani chib, penel jekh sikavni. Phal gaja skola si Srbikanbi vi von si musaj the sikljoven e Srpsko chib.

Adjarenpe konsultacije

E Lidija Nesic, taro odseko Ministarstvo sikibaso ani Leskovca, savi si vash e problematika e Romane chavebgre skolake motovdi, penel e motovipa e lokalno sherutneca vi direktorenca taro skole avile dji nesave informacije, pal kaj chi shaj adjarel nesave bare nevipa.

Shaj si musaj the kerelpe pobaro angazmano e rejonalizacija, savi kergjala e Lokalno kedin, e skola "Petar Tasic" the del nesave atraktivna programora the shaj cidel pobutere chaven, motovel e Nesic.

E direktori Filipovic, penel kaj e programo ani skola si modernizovime, duje multimedijalno vi jekh ekolosko sobako, kerenpe pripremno sikavipa vi e chave shaj achoven ano skole vi palo skolako chasora, delpe e chavenge habe, sheja vi sikavipa.Trujal gova e skola si bisterdi sar tari puf gijal taro foro.

Lino taro Blic-dw-romanes
redaktori: N.Osman
nakavel ano romanes: N.Osman / R.Sejdovic