Siasa

Ushindi wa Kazi

Timu ya LbE Kiswahili: Fundi mitambo, Michael Springer (Kushoto), Grace Kabogo (katikati) mtayarishaji na mwandaaji wa vipindi vya Noa Bongo-Jenga Maisha Yako na Simon John (kulia) mtayarishaji msaidizi, waliofanikisha kurekodiwa mchezo mpya wa ''Karandinga'', hadithi nne kuhusu upelelezi katika Uhalifu wa Mtandaoni, Unyanyasaji wa Majumbani, Uchafuzi wa Mazingira na Biashara Haramu ya Binaadamu.

Siasa

Kuandaa maandamano

Baadhi ya sehemu za mchezo zinahitaji waigizaji wengi sana studio. Katika hadithi ya ''Unania Taratibu'' kwenye mchezo wa Uchafuzi wa Mazingira, wakaazi wa mji wa Donge la Maji wanaingia mitaani wakitaka kashfa ya uchafuzi wa mazingira katika mji huo, ishughulikiwe kisheria.

Siasa

Kupambana na uhalifu ni kazi ngumu

Kesi na njama mpya, mashujaa na wabaya wapya. Katika mchezo yetu mipya Katika mchezo wa Uhalifu wa Mtandaoni ''Bonyeza Kiunganishi'', maafisa wa polisi wanachunguza tukio la kuchomwa kisu mwanafunzi wa kike wa chuo.

Siasa

Uhalisia wa mchezo

Uigizaji wa redio una zaidi ya sauti moja. Katika hadithi ya ''Unania Taratibu'' kwenye mchezo wa Uchafuzi wa Mazingira, kiwanda cha chuma kinatumia madini ya risasi ambayo ni hatari kwa maisha ya binadamu pamoja na mazingira. Mmoja wa wafanyakazi anakufa kutokana na sumu hiyo kwa sababu ya kukosa vifaa vya kujikinga akiwa kazini. Mtoto wa mfanyakazi mmoja pia anaugua.

Siasa

Kubakia salama mtandaoni

Katika mchezo wa Uhalifu wa Mtandaoni ''Bonyeza Kiunganishi'', Mohamed Kaboba aliyecheza kama Tembo, mtalaamu wa IT anamsaidia Rachel Kubo aliyeigiza kama Kendi, kuhusu shughuli za mtandaoni. Pia anamuonya kuhusu hatari inayoweza kujitokeza wakati anatumia mtandao wa Intaneti na mitandao ya kijamii.

Siasa

Maandalizi ya mwisho

Kati ya kila tukio, huwa kuna muda wa kupumzika na kupitia hadithi zinazofuata. Pichani ni Mwasiti Hussein aliyeigiza kama Samira na Rachel Kubo aliyeigiza kama Ramatu, mwanafunzi kijana aliyejitolea kupigania haki za wanawake, katika mchezo wa ''Chozi la Mnyonge''

Siasa

Furaha Studio

Katika hadithi ya ''Jinamizi la Mauaji'' kwenye mchezo wa Biashara Haramu ya Binadamu, polisi wanajaribu kutafuta ukweli kuhusu kifo cha mhudumu kijana katika mgahawa mmoja, ambaye utambulisho wake bado ni siri.

Siasa

Vijana wabaya au vijana wazuri?

Inategemeana na hadithi, waigizaji wanaweza wakacheza nafasi tofauti. Katika mfululizo wa mchezo wa Karandinga, Hassan Kazoa na Macray Rusasa wanaonyesha jinsi ambavyo wanaonekana wema, ilhali katika mchezo wameigiza kama wauzaji wa watu katika hadithi ya ''Jinamizi la Mauaji'' kwenye mchezo wa Biashara Haramu ya Binadamu.

Siasa

Onyo! Uhalifu

Katika hadithi ya ''Jinamizi la Mauaji'' kwenye mchezo wa Biashara Haramu ya Binadamu, Kodjo Dagata, nafasi iliyochezwa na Aloyce Michael, ana ndoto za kuwa na maisha bora baadae katika nchi jirani. Rafiki yake anamuahidi kupata fusra za mafunzo mazuri. Lakini hali halisi inamsubiri akifika huko.

Siasa

Furaha ya ushindi

Timu ya waandamaji wa LbE na baadhi ya waigizaji wakifurahi baada ya kukamilisha kazi ya kurekodi michezo yote ya LbE jijijini Dar es Salaam, Tanzania. Ingawa kwa kawaida kabla ya kuanza kurekodi, waigizaji wanapaswa wapitie nafasi zao za kuigiza, ambapo katika mchezo wa ''Chozi la Mnyonge'' kuhusu Unyanyasaji wa Majumbani, Samira, anageuka kuwa afisa wa polisi, baada ya kunyanyaswa na mumewe.

Haya, twende Sasa!

Kila kitu kiko tayari: Fundi mitambo, Christof Wurster (Kushoto), Grace Kabogo, (aliyeketi) mtayarishaji na mwandaaji wa vipindi vya Noa Bongo-Jenga Maisha Yako na Simon John (kulia) mtayarishaji msaidizi, waliofanikisha kurekodiwa mchezo mpya wa ''Karandinga'', hadithi nne kuhusu upelelezi katika uhalifu wa Ugaidi, uwidaji haramu, unyakuzi wa ardhi na dawa bandia.

Chanzo cha shambulizi ni nini?

Katika mchezo wa ''Chimbuko la Itikadi Kali'', Inspekta Brenda (Sarah Kassim, kulia) akiwa na Kamishna wa Polisi Cletus (Deo Songa, kushoto) wakijadiliana namna ya kukabiliana na ugaidi na kufanya uchunguzi unaofichua taratibu zinazowafanya vijana kujiunga na makundi ya kigaidi.

Sababu za kujiunga na ugaidi

Macray Rusasa (Katikati) anayecheza kama Bobo anayetaka kujiunga na kundi la kigaidi. Katika sehemu ya Tano ya mchezo huu wa ''Chimbuko la Itikadi Kali'', yuko kwenye kibanda cha kutoa huduma za mtandao kwa ajili ya kuwasiliana na mkufunzi wake. Ili kuweza kupata sauti nzuri inayoonyesha mazingira ya kwenye kibanda cha kutoa huduma za mtandao, tulitumia ubao uliowekwa kati yake na kipaza sauti.

Mjadala bungeni

Watu hawa wanawakilisha sehemu ya serikali ya nchi ya kufikirika ya Kululaland. Hawa ni wabunge ambao katika mchezo huu wa ''Chimbuko la Itikadi Kali'', japokuwa wengine wanaonekana wakitabasamu, wako katika mjadala mkali kuhusu namna ya kupambana na magaidi.

Kuwalinda wanyamapori

Dokta Susan Galana (Mwajuma Abdul, kushoto), ni mtetezi wa wanyamapori na mwanaharakati wa mazingira kwenye mji wa Bovu. Katika sehemu hii ya mchezo wa ''Wawindaji Haramu'', anaonekana akiwa na Bwana Chang (Chacha Nyamaka, kulia), ambaye ni raia wa kigeni na mfanyabiashara haramu wa pembe za ndovu.

Kuwasaka wawindaji haramu

Katika mchezo wa ''Wawindaji Haramu'', tunamuona afisa upelelezi Allan (Aloyce Michael, kushoto) akifurahi baada ya kuwakamata wawindaji wawili haramu Emmanuel (Richard Mshanga, katikati) na John (Mzome Mahmoud, kushoto), ambao walikuwa ni wafanyakazi wa Bwana G. Walikuwa wakijipongeza baada ya kumaliza kurekodi sehemu yao, katika mbuga ya wanyamapori ya Bovu.

Mahojiano kuhusu kifo cha Peter

Kutoka kushoto ni afisa upelelezi Kalumba, (Aloyce Michael), Mfamasia Marijane (Deborah Dickson), mtayarishaji na mwandaaji Grace Kabogo, afisa upelelezi Salamisha (Sarah Kassim) na fundi mitambo Christof Wurster. Maafisa hao wawili wa upelelezi walikuwa wakimuhoji Marijane kuhusu kifo cha Peter, kilichotokana na kiwango kikubwa mno cha dawa, kwenye mchezo wa ''Dawa za Kutibu, Dawa za Kuua''.

Mchango wa vyombo vya habari

Katika mchezo wa ''Dawa za Kutibu, Dawa za Kuua'', tumeona jinsi waandishi wa habari walivyotoa mchango mkubwa kuielimisha jamii kuhusu matumizi ya dawa bandia. Mtangazaji wa kituo cha utangazaji cha kufikirika cha Ketagu (Editha Mayemba, kushoto) akiwa na mwandishi wa habari wa kituo hicho (Zainab Mlawa, kulia), wakijiandaa kutekeleza majukumu yao.

Kwenye wakati mgumu

Katika mchezo wa ''Ardhi ya Chongwe'', mwili wa Chifu Awombo, unakutwa katika kingo ya mto kwenye shamba la maua. Je aliuawa na mnyama wa mwituni kama serikali inavyotaka watu wa Chongwe waamini, ama aliuawa na watu? Pichani, Inspekta Mwamto (Chacha Nyamaka), anakabiliwa na wakati mgumu kuamua kama ashikilie msimamo rasmi wa serikali au azma yake ya kutafuta hasa kilichotokea.

Harakati za kuepusha machafuko

Grace Kabogo (kushoto), mtayarishaji na mwandaaji wa michezo ya Noa Bongo-Jenga Maisha Yako, akimwelekeza Jembe (Lucy Mwinuka, kulia) sehemu anayotakiwa kuigiza katika mchezo wa ''Ardhi ya Chongwe''. Sehemu hiyo inamtaka kuwa na wasiwasi na uharaka, hasa wakati akitoa taarifa kwa polisi na mpelelezi wa kujitegema Mweri, kuhusu nia ya Zumari kutaka kumvamia mkurugenzi wa shamba la maua waridi.

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو