Kansela Olaf Scholz kuanza ziara ya siku tatu nchini China

Anatarajiwa mjini Beijing mnamo siku ya Jumanne kwa mazungumzo ya ngazi ya juu ya kisiasa yatakayotuama juu ya masuala kadhaa vikiwemo vita vya Urusi na Ukraine, mivutano kuhusu hadhi ya kisiwa cha Taiwan na biashara.

Scholz ambaye anafuatana na ujumbe mkubwa wa wafanyabiashara na wakuu wa kampuni za Kijerumani, anatarajiwa kulizusha suala la umuhimu wa kuwepo usawa katika kulifikia soko la China, jambo ambalo makampuni ya Kijerumani yamelililamikia kwa muda mrefu.

Ana matumaini ya kuvutia mahusiano ya karibu na Beijing katika wakati Marekani na Umoja wa Ulaya zinatishia kuziwekea vigingi bidhaa kutoka China.