LONDON:Wakaguzi wa afya watoa taarifa

Wakaguzi wa afya nchini Uingereza wamesema katika ripoti yao kwamba Ng’ombe walioambukizwa virusi vilivyosababisha ugonjwa wa miguu na midomo katika mashamba mawili kusini mwa London walivipata virusi hivyo kutoka kwenye maabara iliyo karibu na mashamba hayo.

Hiyo ni taarifa ya awali ya matokeo ya wakaguzi wa afya tangu kuzuka mkurupuko wa ugonjwa wa miguu na midomo nchini Uingereza.

Taarifa hiyo imesema kwamba uwezekano wa virusi hivyo kupeperushwa kwa upepo au kusambazwa kwa mafuriko yaliyoukumba mji wa London ni uzembe wa kibinadamu.

Waziri mkuu wa Uingereza Gordon Brown amesema lazima maswali yote yaliyochomoza kwenye ripoti hiyo yapate majibu.

Mashamba ya wanyama yaliyoathirika yako karibu na maabara ya serikali na kampuni ya kibinafsi ya utafiti wa madawa.