Majumba yachomwa moto London; ghasia zaendelea

Moto unaendelea kuwaka mjini London kwa siku ya tatu mfululizo wakati ghasia na hali isiyo tulivu vikiongezeka. Waziri mkuu David Cameron amekatisha mapumziko yake nchini Italia na kurejea mjini humo na anatarajiwa kukutana na kamati ya ngazi ya juu ya kushughulikia masuala ya dharura leo Jumanne. Wakati huo huo , ghasia hizo , ikiwa ni pamoja na uporaji ,uchomaji magari na majengo , umesambaa katika maeneo mapya mjini London na katika miji ya Birmingham na Liverpool. Ghasia hizo zilianzia Tottenham siku ya Jumamosi baada ya maandamano dhidi ya polisi kugeuka kuwa ghasia. Hata hivyo waziri wa mambo ya ndani Theresa May ameshutumu ghasia hizo kuwa ni uhalifu.