Mogadishu: Mapigano makali mjini Mogadishu.

IMapigano makali yamezuka tangu jana katika mji mkuu wa Somalia, Mogadishu, baina ya majeshi ya Ethiopia na waasi wa Kisomali. Mashahidi wanasema si chini ya watu 10 wameuliwa kutokana na mashambulio ya makombora na mashinegani pale majeshi ya Ethiopia yalipofanya hujuma. Somalia imekuwa katika michafuko tangu pale serekali inayoungwa mkono na Ethiopia iwaondoshe madarakani watu wenye siasa za itikadi kali za Kiislamu. Mamia ya raia wameuwawa katika mapigano.