Waziri wa Utalii na Maliasili, Jumanne Maghembe, amewataka wafugaji wanaolisha mifugo yao katika misitu na hifadhi za taifa kuacha kufanya hivyo mara moja, la sivyo watachukuliwa hatua za kisheria.
DW imezungumza na Emmanuel Ole Shangai, diwani wa kata ya Endulen Ngorongoro, eneo ambalo limeshuhudia mzozo wa muda mrefu kati ya serikali na wafugaji hao wa kuhama hama wa jamii ya Wamasai na kwanza anaelezea wamepokea vipi agizo hilo la serikali.
