اولپپائی مشعل ریلی پاکستان میں پر امن اختتام پذیر
16 اپریل 2008اشتہار
پاکستان میں اولمپک مشعل کا سفر احتجاج اور ممکنہ دہشت پسندانہ حملوں کے خوف کے پیش نظر عوام کی نظروں سے اوجھل رکھا گیا ہے۔ اس سلسلے کی تقریب پولیس اور فوج کے ہزاروں سپاہیوں کی حفاظت میں ایک اسٹیڈیم میں منعقد کی گئی۔
مشعل کے اِس سفر کو محض خصوصی طور پر مدعو کی گی شخصیات نے دیکھا، جن میں صدر پرویز مشرف بھی شامل تھے۔ پاکستانی اولمپک تنظیم نے ریڈیو اور ٹیلی وژن چینلز کو ہدایت کر رکھی تھی کہ وہ مشعل کے سفر کی رپورٹنگ کرتے ہوئے تبت تنازعے کا حوالہ نہ دیں۔ اُدھر بھارت میں مشعل کی آمد سے ایک روز قبل چین کی تبت پالیسیوں کے خلاف شدید مظاہرے ہوئے ہیں۔
حکومت پاکستان نے اس حوالے سے سخت سیکورٹی کے انتظامات کئے ہیں ۔اولپمکس مشعل کی پاکستان آمد پر اسلام آباد میں دو ہزار سے زائد سیکورٹی اہلکار تعینات کئے ۔