حال ہی میں مشہورِ زمانہ گریمی ایوارڈ جیتنے والی 24 سالہ برطانوی گلوکارہ ایمی وائن ہاؤس آج کل بے حد خوش ہیں کیونکہ برطانوی پولیس سکاٹ لینڈ یارڈ نے اُن کے خلاف تحقیقات ختم کرنے کا اعلان کیا ہے۔ اُن پر الزام تھا کہ اُنہوں نے عدالتی کارروائی کی راہ میں رکاوٹیں ڈالنے کی کوشش کی ہے۔ اِس گلوکارہ کا شوہر بلیک فِیڈلر سِوِل آج کل حوالات میں ہے اور اِسی سلسلے میں وائن ہاؤس کو عارضی طور پر حراست میں بھی لے لیا گیا تھا۔
https://p.dw.com/p/DYOe
برطانوی گلوکارہ Amy Winehouseتصویر: AP
اشتہار
ایمی وائن ہاؤس اپنے عجیب و غریب اور منفرد ملبوسات کے حوالے سے خاص شہرت رکھتی ہیں اور یہی وجہ ہے کہ اُنہیں پیرس کے مشہورِ زمانہ فیشن وِیک میں شرکت کی دعوت دی گئی تھی۔ برطانوی اخبار ”سن“ کے مطابق پیرس کے اِس فیشن وِیک کے دوران اِس گلوکارہ کو صرف ایک بار اسٹیج پر آنے کے لئے نصف ملین پاؤنڈ کی رقم دی جا رہی ہے۔
