باراک اوباما کا غیر معمولی دورہِ افغانستان

ان کے اس دورے کو انتہائی اہمیت کا حامل سمجھا جا رہا ہے۔ اوباما مشرقِ وسطیٰ کے ممالک کے علاوہ یورپ کا دورہ بھی کریں گے۔ اوباما کا دورہِ افغانستان پاک افغان تعلقات اور دہشت گردی کے خلاف جنگ میں امریکہ کی تبدیل ہوتی ہوئی پالیسی کے حوالے سے پاکستان پر کیا اثرات مرتّب کرے گا، ہم نے دریافت کیا اسلام آباد میں مقیم سیکورٹی اور افغان امور کے ماہر سلیم شاہ سے۔سلیم شاہ کا کہنا ہے کہ باراک اوباما کی افغان پالیسی جارج ڈبلیو بش سے مختلف ہوگی اور وہ پاکستان کے ساتھ زیادہ سختی سے نمٹنا چاہیں گے۔