برلن میراتھن

کھیل

جرمن میراتھن میں افریقی ایتھلیٹ کامیاب

جرمن دارالحکومت برلن میں ہونے والی بین الاقوامی میراتھن میں براعظم افریقہ سے تعلق رکھنے کھلاڑیوں نے واضح اور بڑی کامیابیاں حاصل کیں۔ کینیا اور ایتھوپیا کے ایتھلیٹس ٹاپ پوزیشنیں حاصل کرنے میں کامیاب رہے۔ طلائی تمغہ ایلُوئڈ کِپچوگے نے حاصل کیا۔

کھیل

ایلُوئڈ کِپچوگے ورلڈ ریکارڈ قائم کرنے سے محروم رہے

ایتھوپیا کے ایتھلیٹ کینینیسا بیکیلے نے پہلی مرتبہ برلن میراتھن میں کوئی بڑی کامیابی حاصل کی ہے۔ وہ گزشتہ برس کی میراتھن میں بھی شریک تھے۔ چوبیس ستمبر کے ونر ایلُوئڈ کِپچوگے صرف چھ سیکنڈ کے فرق سے عالمی ریکارڈ قائم کرنے سے قاصر رہے۔ تصویر میں برلن کے سوشل ڈیموکریٹک پارٹی سے تعلق رکھنے والے میئر مائیکل مُؤلر بھی دیکھے جا سکتے ہیں۔

کھیل

خواتین میں بھی افریقی ایتھلیٹ وِنر

برلن میراتھن میں خواتین ڈسپلن میں پہلی پوزیشن کینیا کی خاتون ایتھلیٹ نے حاصل کی۔ گلیڈیس کیرونو کِپرانو کو اس میراتھن میں طلائی تمغے سے نوازا گیا۔ دوسری اور تیسری پوزیشن پر ایتھوپیا اور کینیا کی خواتین ایتھلیٹ تھیں۔

کھیل

برلن میراتھن کے ہزاروں شرکاء

برلن میراتھن سن 1974 سے باقاعدگی سے منعقد کی جاتی ہے۔ اس میں شریک کھلاڑیوں کو تقریبا تینتالیس کلومیٹر کا فاصلہ طے کرنا ہوتا ہے۔ یہ راستہ برلن شہر کے اندر مخصوص کیا جاتا ہے۔ رواں برس اس ریس میں ایک مرتبہ پھر چالیس ہزار سے زائد افراد نے شرکت کی۔ گزشتہ برس شرکاء کی تعداد چھیالیس ہزار سے زائد تھی۔

کھیل

بارش کے باوجود شرکاء کا جوش و خروش

برلن میراتھن کے انعقاد کے وقت تیز بونداباندی کا سلسلہ مسلسل جاری رہا۔ پروفیشنل ایتھلیٹوں کے ہمراہ شوقیہ افراد بھی اس میراتھن میں شریک رہے۔ اس میراتھن کے حاشیے میں کئی امدادی و خیراتی ادارے بھی اپنی کارروائیوں میں مصروف رہے۔

کھیل

رنگ برنگی چھتریاں اور ایتھلیٹس

میراتھن میں ہزاروں افراد نے باقاعدہ رجسٹریشن کروا کر حصہ لیا۔ ان افراد کی حوصلہ افزائی کے لیے ہزاروں افراد میراتھن کے مخصوص راستے کے مختلف مقامات پر کھڑے رہے۔ یہ لوگ بارش سے بچنے کے لیے رنگ برنگ چھتریاں اٹھائے ہوئے تھے۔

کھیل

میراتھن کے یاد گاری میڈل

جرمن دارالحکومت میں منعقد ہونے والی سالانہ میراتھن کے موقع پر ٹاپ پوزیشنیں حاصل کرنے والوں کو طلائی، چاندی اور کانسی کے تمغے دیے گئے۔ اس کے علاوہ کئی اور ایتھلیٹس بھی یادگاری تمغے حاصل کرنے میں کامیاب رہے۔

کھیل

برلن میراتھن کا ہراول دستتہ

برلن میراتھن کے ہراول دستے میں خواتین اور مردوں کے ڈسپلن میں اولین پوزیشنوں پرافریقی اتھلیٹس کامیاب رہے۔ مردوں اور خواتین کی میراتھن میں پہلی، دوسری اور تیسری پوزیشن ایتھوپیا اور کینیا کے ایتھلٹس جیتنے میں کامیاب رہے۔

برلن میراتھن کا انعقاد اتوار 24 ستمبر کو کیا گیا۔ 24 ستمبر کو جرمن پارلیمانی الیکشن اور بارش کے باوجود گہما گہمی میں کوئی کمی واقع نہیں ہوئی۔ ریس کے مختلف مقامات پر ہزاروں افراد میراتھن کے شرکاء کا حوصلہ بڑھاتے رہے۔

جرمن دارالحکومت برلن میں چوبیس ستمبر کو بین الاقوامی میراتھن میں پروفیسنل ایتھلیٹس کے ہمراہ شوقیے خواتین و حضرات نے بھی چھبیس میل یا تینتالیس کلومیٹر کے قریب کا فاصلہ طے کرنے کی ہمت کی۔

مزید جانیے

ڈی ڈبلیو پکچر گیلری