بنڈس لیگا: اتوار کوکھیلے گئے دو میچوں کا احوال

پہلے میچ میں شروع سے ہی بیلے فیلڈ نے اچھے کھیل کا مظاہرہ کیا۔ ابھی میچ کو شروع ہوئے کچھ ہی دیر گزری تھی کہ بیلے فیلڈ نے اپنا پہلا گول کر کے بریمن کے خلاف برتری حاصل کرلی۔ ہاف ٹائم ہونے ہی والا تھا کہ بریمن کی ٹیم نے گول کر کے میچ ایک ایک گول سے برابر کر دیا۔ لیکن دوسرے ہاف کے آغازکے فورا بعد بیلے فیلڈ نے دوسرا گول کر کے یہ میچ اپنے نام کر لیا۔

اتوار کی شام فیڈرل لیگ کا دوسرا میچ بوخم اور کارلسروہے کے درمیان کھیلا گیا۔ میچ شروع ہونے کے 26 منٹ بعد بوخم نے جیت کی جانب پہلا قدم رکھا اور اپنا پہلا گول کر دیا۔ میچ شروع ہونے کے ایک گھنٹے بعد بوخم کی ٹیم نے دوسرا گول کر دیا جبکہ کارلسروہے کی ٹیم کوئی بھی گول کرنے میں ناکام رہی اور یوں اس میچ کا نتیجہ دو صفر کی صورت میں بوخم کے حق میں نکلا۔