1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

بنڈس لیگا میں میونخ کی پوزیشن مزید مستحکم

30 اکتوبر 2011

جرمن قومی فٹبال چیمپیئن شپ بنڈس لیگا کے گیارہویں میچ ڈے کے مقابلے جاری ہیں۔ بائرن میونخ نے اس ہفتے کا میچ جیت کر پوائنٹس ٹیبل پر اپنی پوزیشن مزید مستحکم کر لی ہے۔

https://p.dw.com/p/131nP
تصویر: dapd

گیارہویں میچ ڈے کے دوسرے روز ہفتے کو بائرن میونخ کا سامنا نیورمبرگ سے ہوا۔ میونخ کی ٹیم نے یہ میچ صفر کے مقابلے میں چار گول سے جیتا۔ یوں پچیس پوائنٹس کے ساتھ یہ ٹیم پوائنٹس ٹیبل پر بدستور سرفہرست ہے۔ نیورمبرگ بارہ پوائنٹس کے ساتھ تیرھویں نمبر پر ہے۔

ہفتے کے دیگر مقابلوں میں شالکے نے ہوفن ہائیم کو ایک کے مقابلے میں تین گول سے مات دی۔ شٹٹ گارٹ اور دفاعی چیمپیئن ڈورٹمنڈ کا میچ ایک ایک گول سے برابر رہا۔ ہیرتھا برلن نے وولفس برگ کو دو تین سے ہرایا۔ مؤنشن گلاڈ باخ نے ہینوور کو ایک کے مقابلے میں دو گول سے پچھاڑا جبکہ بریمن نے مائنز کو ایک کے مقابلے میں تین گول سے ہرایا۔

قبل ازیں جمعے کو اس میچ ڈے کا پہلا میچ شالکے اور لیورکوزن کے درمیان کھیلا گیا، جو لیورکوزن نے صفر کے مقابلے میں ایک گول سے جیت لیا۔

اتوار کو گیارہویں میچ ڈے کے آخری روز دو میچ کھیلے جائیں گے۔ پہلے میچ میں کولون کی ٹیم آؤگسبرگ کا سامنا کرے گی جبکہ دوسرے میچ کے لیے ہیمبرگ اور کائزرلاؤٹرن کی ٹیمیں میدان میں اتریں گی۔

بنڈس لیگا پوائنٹس ٹیبل کی صورتِ حال:

اس ہفتے کا میچ جیت کر شالکے نے بھی اپنی پوزیشن مستحکم بنائی ہے اور اب یہ ٹیم اکیس پوائنٹس کے ساتھ دوسرے نمبر پر ہے۔ ڈورٹمنڈ، بریمن اور مؤنشن گلاڈ باخ بیس بیس پوائنٹس کے ساتھ بالترتیب تیسرے، چوتھے اور پانچویں نمبر پر ہیں۔

FC Schalke 04 1899 Hoffenheim Klaas-Jan Huntelaar
شالکے نے بھی پوائنٹس ٹیبل پر پوزیشن بہتر بنائی ہےتصویر: dapd

شٹٹ گارٹ اٹھارہ پوائنٹس کے ساتھ چھٹے نمبر پر ہے جبکہ ساتویں نمبر پر اتنے ہی پوائنٹس کے ساتھ ہینوور ہے۔ لیور کوزن آٹھویں نمبر پر ہے اور اس کے پوائنٹس سترہ ہیں۔ ہوفن ہائیم اور برلن سولہ سولہ پوائنٹس کے ساتھ بالترتیب نویں اور دسویں نمبر پر ہیں۔

وولفس برگ تیرہ پوائنٹس کے ساتھ گیارہویں نمبر پر جبکہ تیرہ ہی پوائنٹس کے ساتھ کولون بارہویں نمبر پر ہے۔

پوائنٹس ٹیبل پر سب سے نیچے یعنی اٹھارہویں نمبر پر سات پوائنٹس کے ساتھ فرائی برگ کی ٹیم ہے۔

رپورٹ: ندیم گِل

ادارت: افسر اعوان

اس موضوع سے متعلق مزید سیکشن پر جائیں

اس موضوع سے متعلق مزید

مزید آرٹیکل دیکھائیں