1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

بھارت میں ٹرین کو آگ لگانے کے الزام میں 31 افراد قصوروار

22 فروری 2011

بھارتی عدالت نے ٹرین کو آگ لگانے کے الزام میں31 افراد کو مجرم قرار دے دیا گیا ہے۔ان افراد پر سازش اور قتل کے الزامات ثابت ہوئے ہیں۔2002ء میں ریاست گجرات میں پیش آنے والے اس واقعے میں 59 ہندو زائرین ہلاک ہوگئے تھے۔

https://p.dw.com/p/10Le5
تصویر: AP

یہ فسادات بھارت کی آزادی کے بعد ملک میں ہونے والے بد ترین مذہبی فسادات میں سے ایک تھے۔ ان فسادات کا سلسلہ اس وقت شروع ہوا، جب بھارت کی مغربی ریاست گجرات میں گودھرا ٹرین اسٹیشن پر ہندو زائرین سے بھری ٹرین کو آگ لگا دی گئی تھی۔ اس کے نتیجے میں 59 افراد ہلاک ہوگئے تھے۔ اس واقعے کے بعد ریاست گجرات میں مسلم کش فسادات پھوٹ پڑے، جس میں دو ہزار مسلمانوں کی ہلاکت ہوئی تھی۔

NO FLASH Brandattacke auf einen vollbesetzten Zug in Godhra Indien
گجرات میں ہونے والے اس واقعے کے بعد بدترین مسلم کش فسادات پھو‌ٹ پڑے تھےتصویر: AP

موصولہ اطلاعات کے مطابق وکیل استغاثہ جے۔ ایم۔ پانچھل نے احمدآباد کورٹ کے باہر صحافیوں کو بتایا ہے کہ عدالت نے 31 افراد کو سازش تیار کرنے اور قتل کے مقدمے میں مجرم قرار دے دیا گیا ہے جبکہ باقی 63 گرفتار شدگان کو بری کر دیا گیا ہے۔

واضح رہے کہ اس مقدمے میں 94 افراد کو عدالتی کارروائی کا سامنا تھا، جس میں سے چند کو آج مجرم قرار دیا گیا ہے۔

رپورٹ: عنبرین فاطمہ

ادارت: عدنان اسحاق

اس موضوع سے متعلق مزید سیکشن پر جائیں

اس موضوع سے متعلق مزید