1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

تھائی لینڈ میں PPP کا پارلیمانی اکثریت کی حمائت کا دعویٰ

25 دسمبر 2007

تھائی لینڈ میں پارلیمانی انتخابات کے ایک روز بعد ان انتخابات کی فاتح جماعت پیپلز پاور پارٹی PPP نے دعویٰ کیا ہے کہ وہ اس قابل ہے کہ اپنی قیادت میں پارلیمانی ارکان کی اکثریت کی حمائت رکھنے والی ایک مخلوط حکومت قائم کرسکے۔

https://p.dw.com/p/DYFn

سابق وزیر اعظم تھاکشن شینا واترا کے حامیوں کی اس پارٹی نے اعلان کیاہے کہ نو منتخب پارلیمان میں نمائندگی کی حامل کئی دوسری جماعتوں نے اس کے ساتھ مل کر حکومتی اتحادقائم کرنے پر رضامندی ظاہر کردی ہے جس کے بعد اس کے لئے پارلیمان میں جمہوری اکثریت کا حصول کوئی مسئلہ ثابت نہیں ہوگا۔

بنکاک کی 480 رکنی نئی پارلیمان میں پیپلز پاور پارٹی کے نو منتخب ارکان کی تعداد 232 ہے جو قطعی اکثریت سے تھوڑی سی کم ہے۔ امکان ہے کہ اگر نئی حکومت سابق وزیر اعظم شیناواترا کی حامی اسی پارٹی نے بنائی تو اس وقت برطانیہ میں جلاو طنی کی زندگی گذارنے والے اس سیاستدان اور ارب پتی کاروباری شخصیت کے لئے مستقبل قریب میں وطن واپسی کی راہ بھی ہموار ہو سکتی ہے۔ تھائی لینڈ میں فوج نے گذشتہ برس تھاکشن شیناواترا کی حکومت کا تختہ الٹ دیا تھا۔