جنوبی وزیرستان میں مبینہ ڈرون حملہ

ایک بین الاقوامی خبر رساں ادارے کے مطابق اس مبینہ امریکی ڈرون نے جنوبی وزستان کے علاقے سروکئی میں طالبان کمانڈر نورولی کے ٹھکانے کو نشانہ بنایا۔

مقامی حکام کا کہنا ہے کہ یہ میزائیل حملہ جمعہ کی صبح دس بجے کیا گیا۔ حملے کے بعد مقامی طالبان نے علاقے کو گھیرے میں لے لیا اور لاشیں نکالنے کا کام شروع کردیا گیا۔

طالبان کمانڈر نورولی کے ٹھکانے پر ہونے والے اس حملے میں تاحال یہ علم نہیں ہو سکا کہ آیا حملے کے وقت نورعلی وہاں موجود تھے یا نہیں۔ واضح رہے کہ کمانڈر نورعلی کالعدم تنظیم تحریک طالبان پاکستان کے سربراہ بیت الله محسود کے قریبی ساتھی اور تنظیم کی مرکزی شوریٰ کے رکن بھی ہیں۔

خبر رساں ادارے

ادارت : عاطف توقیر