راولپنڈی ایکسپریس' پانچ سال تک نہیں چلے گی

اس فیصلے کا اعلان بورڈ کے چیئرمین نسیم اشرف نے پاکستانی دارالحکومت میں آج ایک پریس کانفرنس میں کیا۔ راولپنڈی ایکسپریس کے نام سے مشہور پاکستانی بولر اپنے کیریر کے دوران متعدد بار تنازعات کا شکار ہوتے رہے ہیں۔

پی سی بی کے فیصلے کے مطابق‘ شعیب اختر آئیندہ پانچ برس تک اپنے ملک میں‘ یا ملک سے باہر‘ قومی کرکٹ ٹیم کی نمائندگی نہیں کر سکیں گے۔بورڈ کی ڈسپلنری کمیٹی نے لیگ سپنر دانش کنیریا کو تحریری وارننگ دی ہے۔

شعیب اختر نے زمبابوے کے خلاف ون حالیہ ڈے سیریز میں ٹیم میں منتخب نہ کئے جانے‘ مرکزی کنٹریکٹ نہ ملنے اور دیگر مسائل کے بارے میں پی سی بی پر کڑی تنقید کی تھی جبکہ لیگ سپنر کنیریا نے سی کیٹیگری کنٹریکٹ ملنے پر اپنا ردّ عمل ظاہر کیا تھا۔