1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

سی پیک منصوبے کی کامیابی کے لیے پر عزم ہیں، جنرل باجوہ

بینش جاوید
26 دسمبر 2016

پاکستان کے آرمی چیف جنرل قمر باجوہ کا کہنا ہے کہ پاک چین اقتصادی راہ داری منصوبے کو مکمل کرنے کے لیے پاکستان کی فوج پر عزم ہے۔ اس منصوبے کی تکمیل سے بلوچستان میں ترقیاتی کاموں کا آغاز ہو گا۔

https://p.dw.com/p/2Usdu
Qamar Javed Bajwa
تصویر: picture-alliance/AP Photo/M. Yousuf

پاکستانی فوج کے سربراہ جنرل قمر جاوید باجوہ نے کوئٹہ میں بلوچ ریکروٹس کی پاسنگ آؤٹ پریڈ سے خطاب کرتے ہوئے کہا،’’سی پیک کی متعین وقت میں تکمیل سے بلوچستان میں ترقی کے ایک نئے دور کا آغاز ہو گا اور پاکستانی فوج اس ہدف کے حصول کے لیے پر عزم ہے۔‘‘ جنرل باجوہ نے کہا کہ بلوچستان پاکستان کا ایک اہم حصہ ہے اور اس صوبے کے وسائل کو یہاں کے لوگوں کی ترقی اور بہبود کے لیے استعمال ہونا چاہیے۔‘‘

آئی ایس پی آر کے مطابق جنرل باجوہ نے اپنے کیریئر کا آغاز بلوچ ریجمنٹ سے ہی کیا تھا۔ جنرل باجوہ نے کہا کہ بلوچستان کے ہزاروں نوجوانوں کو پاکستان کی فوج، پولیس، ایف سی اور دیگر اداروں میں شامل کیا گیا ہے۔ انہوں نے کہا کہ،’’پاکستان کی فوج قومی یکجہتی کا مظہر ہے جس میں تمام صوبوں کی نمائندگی لگ بھگ ان کی صوبوں کی آبادی کے تناسب سے ہے۔‘‘

Karte Map China Pakistan Economic Corridor
واضح رہے کہ بلوچستان میں کچھ بلوچ کلعدم تنظیموں سے تعلق رکھنے والے افراد علیحدگی پسند تحریک کا حصہ ہیں

جنرل باجوہ نے کہا کہ بلوچستان کی ترقی پاکستان کی ترقی ہے اس لیے پاکستان مخالف عناصر بلوچستان کی ترقی میں رکاوٹ بننا چاہتے ہیں۔ واضح رہے کہ بلوچستان میں کچھ بلوچ کلعدم تنظیموں سے تعلق رکھنے والے افراد علیحدگی پسند تحریک کا حصہ ہیں۔

اس موضوع سے متعلق مزید سیکشن پر جائیں