شمالی عراق میں ہولناک دہشت پسندانہ حملوں کے دو روز بعد یہ بات واضح ترہوتی جا رہی ہے کہ یہ خونریز واردات کتنے بڑے پیمانے پر ہوئی ہے۔ہسپتال کے ڈاکٹروں کی جانب سے بتائے گئے تازہ اعداد و شمار کے مطابق دو دیہات پر ہونے والے اِن حملوں میں کم از کم 500 انسان ہلاک ہوئے۔ دہشت گردوں نے یزیدی اقلیتی فرقے کے ارکان کو نشانہ بنانے کے لئے منگل کی شام کو بارود سے بھری ہوئی کئی گاڑیاں دھماکے سے اڑا دی تھیں۔
https://p.dw.com/p/DYGf
عراق میں آئے روز ایسے ہولناک بم حملے ہو رہے ہیں۔ فائل فوٹوتصویر: AP
اشتہار
اِن دھماکوں کے نتیجے میں ایک مربع کلومیٹر کے علاقے میں تمام مکانات تباہ ہو گئے، جن کے ملبے سے مزید ساٹھ لاشیں ملنے کا امکان ہے۔ اِس واردات پر بغداد کے ساتھ ساتھ بین الاقوامی سطح پر بھی غم و غصے کا اظہار کیا جا رہا ہے۔ اقوامِ متحدہ کے سیکریٹری جنرل بن کی مُون نے اِن پے در پے بم حملوں کی شدید الفاظ میں مذمت کی ہے۔
