شہباز شریف پنجاب کے وزیرِ اعلیٰ بننے کے لیے تیّار

سیاسی طور پر پاکستان کے طاقت ور ترین صوبے پنجاب میں پاکستان مسلم لیگ نواز گروپ کے صدر میاں شہباز شریف کے نو برس کے بعد ایک بار پھر وزیرِ اعلیٰ بننے کا راستہ ہموار ہو چکا ہے۔ گزشتہ روز انہوں نے ضمنی انتخابات میں پنجاب اسمبلی کا بلا مقابلہ رکن بننے کے بعد اسمبلی کا حلف اٹھا لیا ۔ دوسری جانب دوست محمّد کھوسہ پنجاب کے وزیرِ اعلیٰ کی حیثیت سے مستعفی ہو گئے ہیں ۔