صدام حسین کو جلد از جلد پھانسی دئے جانے کا امکان

عراقی حکومت سابق حکمران صدام حسین کے خلاف سزائے موت پر، جس کی حال ہی میں توثیق کی گئی ہے، سرعت کے ساتھ عملدرآمد کروانا چاہتی ہے۔ وزیر اعظم نوری المالکی کی جماعت کی جانب سے سرکاری طور پر بتایا گیا ہے کہ پھانسی کی سزا پر عملدرآمد جلد از جلد کیا جا ئےگا۔ المالکی کے ایک قریبی ساتھی کے مطابق غالباً تیس روز کی مہلت مکمل ہونے کا بھی انتظار نہیں کیا جائے گا۔