جہاز کے ذریعے فضائی کرتب ایک مشکل، خطرناک مگر دیکھنے میں دلچسپ عمل ہے۔ ایک فرانسیسی پائلٹ روزانہ اپنے جہاز کے ساتھ سوا چار سو کلومیٹر فی گھنٹہ کی رفتار سے فضا میں قلابازیاں لگاتا ہے اور زمین سے اتنے قریب سے ہو کر دوبارہ اُڑان لیتا ہے کہ دیکھنے والوں کا دل کانپ جائے۔ خوف اس پائلٹ کو جیسے چھو کر نہیں گزرتا اور نیچے موجود تماشائی کبھی انگلیاں منہ میں داب لیتے ہیں اور کبھی تالیاں بجانے لگتے ہیں۔