قبائلی علاقوں پر امریکی حملے بند کیے جائیں : پاکستان

خبر رساں اداروں کے مطابق پاکستان کے قبائلی علاقے شمالی وزیرستان میں ایک مشتبہ امریکی میزائیل حملے میں کم از کم تیرہ مبینہ عسکریت پسند ہلاک ہو ئے ہیں۔ غیر مصدقہ اطلاعات کے مطابق ایک پائلٹ کے امریکی جاسوس طیارے نے پاک افغان سرحد کے علاقے رزمک میں طالبان کے ٹھکانے کو نشانہ بنایا۔

پاکستان کی وزیر اطلاعات شیری رحمان نے اس حملے کی شدید مذمت کرتے ہوئے کہا :’’پاکستان کی سر زمین پر امریکی میزائیل حملے اپنے آپ کو نقصان پہنچانے کے مترادف ہیں۔‘‘ گزشتہ ایک ماہ سے جاری پاکستان کے قبائلی علاقوں میں ایسے میزائیل حملوں میں اب تک کم از کم سو افراد ہلاک ہو ئے ہیں۔

پاکستانی حکومت ان حملوں کے خلاف امریکی حکام کے سامنے اپنا احتجاج با رہا درج کروا چکی ہے۔ گزشتہ ماہ پاکستان نے اسلام آباد میں واشنگٹن کی سفیر این پیٹریسن کو طلب کرکے قبائلی علاقوں میں امریکی حملوں پر تشویش ظاہر کی تھی۔