1. مواد پر جائیں
  2. مینیو پر جائیں
  3. ڈی ڈبلیو کی مزید سائٹس دیکھیں

’قومی خود غرضی خطرناک ہے‘ گابریئل کی ٹرمپ پر تنقید

22 ستمبر 2017

جرمن وزیر خارجہ زیگمار گابرئیل نے اقوام متحدہ کی جنرل اسمبلی سے اپنے پہلے خطاب میں امریکی صدر ڈونلڈ ٹرمپ پر واضح انداز میں تنقید کی۔ ان کے بقول ’امریکا سب سے پہلے‘ کی پالیسی سے قومی سطح پر محاذ آرائیوں میں اضافہ ہو گا۔

https://p.dw.com/p/2kVnh
تصویر: Reuters/E. Munoz

جرمن وزیر خارجہ زیگمارگابریئل نے نیور یارک میں اپنے خطاب میں قومی خود غرضی سے خبردار کرتے ہوئے کہا کہ امریکی صدر ڈونلڈ ٹرمپ کی دنیا کے بارے میں سوچ کے خلاف مزاحمت کرنی چاہیے،’’دنیا کے بارے میں اس سوچ کو اگر دیکھا جائے تو یہ دنیا ایک ایسا جنگ کا میدان دکھائی دے گی، جس میں سب ایک دوسرے کے خلاف لڑ رہے ہیں۔ تمام فریقین تنہا یا پھر اپنے من پسند ساتھیوں کے ساتھ صرف اپنے مفادات کے تحفظ میں لگے ہوئے ہیں‘‘۔

UN Generalversammlung in New York | Sigmar Gabriel, Außenminister Deutschland
تصویر: Reuters/L. Jackson

گابریئل نے امریکا سب سے پہلے کی پالیسی کے بارے میں خبردار کیا، ’’آخر میں صرف شکست خوردہ رہ جاتے ہیں‘‘۔ تاہم اپنی اس پورے خطاب کے دوران انہوں نے وائٹ ہاؤس میں براجمان ڈونلڈ ٹرمپ کا براہ راست نام نہیں لیا۔

گابیریئل نے مزید کہا،’’ہم نے یہ سیکھا ہے کہ جرمنی سب سے پہلے کی پالیسی نے ہمیں مضبوط اور خوشحال نہیں بنایا بلکہ یورپی اور بین الاقوامی ذمہ داریوں کو فوقیت دینے سے جرمنوں کو امن اور کامیابی حاصل ہوئی ہے۔‘‘

ٹرمپ کے ’بھونکنے‘ سے کوئی فرق نہیں پڑے گا، شمالی کوریا

ٹرمپ کا دماغ ماؤف ہو چکا ہے، کم جونگ اُن

’سب سے پہلے امریکا‘

گابریئل نے شمالی کوریائی تنازعے کے بارے میں کہا کہ جرمنی سلامتی کونسل کی جانب سے منظور کردہ نئی پابندیوں کی تائید کرتا ہے۔ انہوں نے مزید کہا کہ تاہم یہ ایک عالمی مسئلہ ہے، ’’ہمیں چاہیے کہ ہم اپنے تمام تر سفارتی ذرائع استعمال کرتے ہوئے اس تنازعے کی شدت میں کمی لائیں اور پھر اس مسئلے کا ایک طویل المدتی حل تلاش کریں۔ یہ سب کچھ ہمیں مل کر ممکن بنانا ہو گا۔‘‘

اس سے قبل جرمن چانسلر انگیلا میرکل بھی کوریائی تنازعے کے سفارتی حل کی بات کر چکی ہیں۔ میرکل کے بقول، ’’ کسی مسئلے کو سفارتی انداز میں حل کرنا جرمنی کا خاصا ہے۔‘‘ انہوں نے کہا تھا کہ جرمنی اس مسئلے میں ثالث کا کردار ادا کرنے پر تیار ہے۔

ڈونلڈ ٹرمپ کی نظر میں امریکا سب سے پہلے