مشیل بالاک کو جرمن فٹ بال ٹیم کا کپتان برقرار رکھنے کا فیصلہ

یہ فیصلہ جرمن فٹ بال ٹیم کے کپتان مشیل بالاک اور ٹیم کے کوچ Joachim Löw کے درمیان تنازعے کے بعد سامنے آیا ہے۔ جرمن فٹ بال فیڈریشن کے مطابق بالاک اور ٹیم کے کوچ اپنے اختلافات بھلا چکے ہیں اور ان کے درمیان اعتماد بحال ہوگیا ہے۔

مشیل بالاک، جو برطانیہ کی کلب ٹیم چیلسی کے مڈ فیلڈر بھی ہیں، کا کہنا ہے کہ وہ جرمن اخبارات میں چھپنے والے اپنے ان بیانات پر معذرت چاہتے ہیں جس میں انہوں نے عالمی کپ کے کوالیفائنگ میچوں میں ٹیم کے کھلاڑی تھورسٹین فرنگز کو ٹیم سے باہر رکھنے پر کوچ پر تنقید کی تھی۔

جرمنی کا اگلا میچ برطانیہ کے خلاف ایک دوستانہ میچ ہے جو انیس نومبر کو برلن میں کھیلا جائےگا۔