نواز شریف کی وطن واپسی سے متعلق تاریخی فیصلہ

چیف جسٹس نے اپنے فیصلے میں یہ بھی کہا کہ حکام کو شریف برادران کی واپسی کی راہ میں کسی قسم کی رکاوَٹ نہیں ڈالنی چاہیے۔ عدالتِ عظمےٰ کے باہر نواز شریف اور اُن کی جماعت پاکستان مسلم لیگ نون کے درجنوں حامی جمع تھے، جو فیصلہ سنتے ہی خوشی کے ساتھ نعرے بلند کرنے لگے۔

پاکستان مسلم لیگ نون کے ایک سرکردہ رہنما احسن اقبال نے اِس فیصلے کو پاکستان میں جمہوریت اور عدل و انصاف کے لئے ایک بڑی فتح قرار دیا۔ احسن اقبال کے مطابق اب جنرل مشرف کو جان لینا چاہیے کہ معاملات اُن کے ہاتھ سے نکل رہے ہیں اور مشرف جتنی جلد یہ محسوس کریں گے اور جتنی جلد مستعفی ہونے کا فیصلہ کریں گے، اُتنا ہی اُن کے لئے بہتر ہو گا۔