پشاور کے قریب خود کش بم دھماکہ، کم از کم انیس افراد ہلاک

یہ دھماکہ ایک ایسے وقت پیش آیا جب پاکستان میں سرحد کی صوبائی اسمبلی سمیت صوبائی اسمبلیاں، قومی اسمبلی اور سینیٹ پاکستان کے بارہویں صدر کی حیثیت سے پیپلز پارٹی کے شریک چئیرمین آصف علی زرداری کا انتخاب کر رہے تھے۔ حملے کی زمہ داری پاکستانی طالبان نے قبول کرلی ہے۔ یہ دھماکہ اس بات کا بھی عندیہ ہے کہ دہشت گردی کے خلاف عالمی جنگ میں پاکستان کے نو منتخب صدر آصف زرداری کو کس طرح کے امتحانات کا سامنا ہے۔