کولون میں جرائم کرنے والے تارکین وطن کے خلاف مقدموں کی سماعت

جرمن عدالتوں نے نیو ایئر کی شب کولون شہر میں خواتین کو ہراساں اور دیگر جرائم کرنے والے تین شمالی افریقی باشندوں کے مقدمے کی سماعت کی ہے۔ نئے سال کے آغاز کی شب سینکڑوں خواتین کو جنسی طور پر ہراساں کیا گیا یا پھر انہیں لوٹا گیا تھا۔ پہلے مقدمے میں عدالت نے ایک 23 سالہ مراکشی شہری کو چھ ماہ کی معطل قید کی سزا اور 100 یورو جُرمانہ کیا۔ جبکہ دیگر مقدموں میں ایک 22 سالہ تیونسی اور 18 سالہ مراکشی پر ایک شخص کا کیمرہ چوری کرنے کا الزام عائد کیا گیا ہے۔ کولون شہر کے پولیس سربراہ کے مطابق جرائم کرنے والے زیادہ تر افراد پکڑے ہی نہیں جا سکے ہیں۔