یورپی فٹ بال چیمپئین شپ: ترکی ڈرامائی فتح کے بعد کوارٹرفائنل میں

مگر آخری پندرہ منٹوں میں ترک کھلاڑیوں نےکھیل کا پانسہ ہی پلٹ دیااور اوپر نیچے تین گول کردیئے جن میں سے تیسرا گول میچ کے آخری سے پہلے منٹ میں کیا گیا۔ یوں کوارٹر فائنل میں ترکی کا مقابلہ اب کروشیا سے ہوگا جو اپنے گروپ میں اب تک دو میچوں میں چھ پوائنٹ حاصل کرنے کے بعد قبل از وقت ہی کوارٹر فائنل کے لئے کوالیفائی کر چکا ہے۔

کل رات کھیلے گئے گروپ اے کے دوسرے میچ میں میزبان ملک سوئٹزرلینڈ نے پرتگال کو غیر متوقع طور پر دو صفر سے ہرا دیا۔ مگر پھر بھی سوئس ٹیم ان مقابلوں سے خارج ہو گئی ہے۔ گروپ بی کے آخری دو میچوں میں آج پیر کی رات جرمنی کا مقابلہ آسٹریا سے اور پولیبنڈ کا میچ کروشیا سے ہوگا۔

جرمن ٹیم اگر یہ میچ نہ ہاری تو وہ کوارٹر فائنل میں پہنچ جائےگی۔ یہ میچ دیکھنے کے لئے جرمن چانسلر انگیلا میرکل بھی پولینڈ کے اپنے ایک مختصر سرکاری دورے کے بعد آج خاص طور پر آسٹریا جائیں گی۔

پیر کی رات دوسرا میچ کھیلنے والی پولینڈ کے مد مقابل کروشیا کی ٹیم پہلے ہی اپنے گروپ میں پہلی پوزیشن پر ہے۔