جرمن پولیس نے دو بلین یورو کے بِٹ کوائن قبضے میں لے لیے

وفاقی جرمن دارالحکومت برلن سے منگل تیس جنوری کو موصولہ رپورٹوں کے مطابق اس وقت دنیا بھر میں جن ورچوئل کرنسیوں کی آن لائن خریدو فروخت ہوتی ہے، ان میں سے بِٹ کوائن مہنگی ترین کرپٹو کرنسی ہے، جس کی اس وقت فی کس قیمت تقریباﹰ 40 ہزار یورو یا 43 ہزار امریکی ڈالر سے زائد بنتی ہے۔

حماس اور اس کے کروڑوں مالیت کے کرپٹو اکاؤنٹس

پولیس کے مطابق دوران تفتیش یہ کرپٹو کرنسی عبوری طور پر قبضے میں لے لی گئی اور جرمنی میں یہ اپنی مالیت کے لحاظ سے آج تک کا سب سے بڑا واقعہ ہے کہ حکام نے دو بلین یورو یا 2.17 بلین امریکی ڈالر کے برابر بِٹ کوائنز اپنے قبضے میں لے لیے۔

ساڑھے پانچ بلین ڈالر کی منی لانڈرنگ کرپٹو کرنسیوں کے ذریعے

دونوں مبینہ ملزمان ایک پائریسی پورٹل چلاتے تھے

جرائم کی تحقیقات کرنے والے وفاقی جرمن دفتر بی کے اے کی صوبے سیکسنی میں شاخ کے ترجمان کائی آندرس نے بتایا کہ ان کے ادارے کی طرف سے تفتیش کے دوران ایک ملزم نے اربوں مالیت کی یہ ورچوئل کرنسی حکام کے حوالے کردی۔

امریکی ممالک اور ایشیا پیسیفک میں ڈیجیٹل اثاثوں میں اضافہ

اس صوبائی محکمے کی طرف سے یہ تفتیش دو ایسے مشتبہ ملزمان کے خلاف کی جا رہی تھی، جن میں سے ایک کی عمر 40 برس اور دوسرے کی عمر 37 برس ہے۔ ان دونوں ملزمان پر شبہ تھا کہ وہ مئی 2013ء تک سائبر کرائمز کے ارتکاب کے لیے ایک ایسا پائریسی پورٹل چلاتے تھے، جس کے ذریعے مجرمانہ کارروائیوں کے نتیجے میں تاوان وصول کیا جاتا تھا۔

ان دونوں ملزمان کے قبضے سے جو قریب 50 ہزار بِٹ کوائن ضبط کر لیے گئے ہیں، ان کے بارے میں شبہ ہے کہ ان ملزمان نے یہ انتہائی مہنگی کرپٹو کرنسی تاوان کی رقوم سے ہی خریدی تھی۔

امریکا: سب سے بڑی چوری شدہ کرپٹو کرنسی برآمد

تفتیشی کارروائی میں کون کون شامل تھا؟

سیکسنی پولیس کے ترجمان کے بقول دو بلین یورو مالیت کے بِٹ کوائن قبضے میں لیے جانے کا یہ واقعہ جس بہت طویل تکنیکی تفتیشی عمل کے نتیجے میں ممکن ہوا، اس میں سیکسنی کے دارالحکومت ڈریسڈن میں وفاقی دفتر استغاثہ، جرائم کی چھان بین کرنے والے صوبائی محکمے، ٹیکس چوری کے واقعات کی چھان بین کرنے والے صوبائی دفتر، امریکہ کے وفاقی تفتیشی ادارے ایف بی آئی اور میونخ کی ایک انفارمیشن ٹیکنالوجی فرم کے ماہرین بھی شامل تھے۔

کرپٹو کرنسیوں کی تجارت اسلامی قوانین کے خلاف، انڈونیشی فتویٰ

بِٹ کوائن چونکہ ایک ورچوئل کرنسی ہے، اس لیے قبضے میں لیےگئے ایسے 50 ہزار کوائنز اب سیکسنی میں بی کے اے کے ایک آن لائن والٹ میں منتقل کر دیے گئے ہیں۔

م م / ش ر (ڈی پی اے، اے ایف پی)